لماذا نقتله ب ايدينا؟؟؟؟؟؟؟؟؟؟؟؟

b]لماذا نقتله ب ايدينا
نحنا عم نقتلو بأيدينا لأنو منرفضو وما منسمح بوجودو وإذا دخل حياتنا منخليه سر ما حدا يسمع في ولا حدا يعرف فيه وإذا حدا أفشى فيه بيبدأ الكلام وتبهير الكلام وما أدراك ما معنى تبهير الكلام بتصير للقصة مواضيع تانية شي صار وشي ما صار
هاد هو الغلط الغلط انو نحنا نخبي الحب نخبي هالمشاعر الحلوة والإحساس المرهف
الغلط انو نخاف انو نقول بصوت عالي انو نحنا منحب هالشخص وانو هالانسان بيعني لحياتنا كتير
الغلط انو نخاف انو نحنا نحب ونتجنب الحديث فيه ونشوف إذا هالشخص إلي حبينا بيستاهل هالحب ولا لا
الحب بينقتل وقت تنين بحبو بعض بيضطرو انو يتقابلوا بالسر عن أهلن ليتقابلوا بالحديقة أو بشي كافتيريا ولما بيشوفو حدا بيعرفو بيهربو مشان ما يشوفون
الحب بينقتل وقت الأهل بيرضو انو ابنهن الشب يحب بنت وبيعملو مشكلة وقت بنتهن الصبية بتحب
الحب بينقتل ب 1000 طريقة تانية
طيب ليش ؟؟ ليش نحنا ما منستوعب الحب ؟؟
ليش مو الأهل بيسمعو أولادهم ؟؟
وبدل ما يعملوا مشكلة لما يعرفوا يناقشوا أولادهم وينصحون
ليش ما يكون هالحب بمشورة الأهل ورضاهم؟؟
أحسن ما يكون بالخفي
ليش وقت الناس بتعرف انو هالتنين بحبو بعض بتصير قصص وحكايا والشاطر يلي بيحط ملح وبهار على القصة ؟؟
خلونا نعرف الحب الصح خلونا نخليه يعيش وما يموت
خلونا نستمتع بالشعور الحلو
الحب لما بيجي ما بدق الباب بيفوت وما بيسأل إذا بدنا وجودوا ولا لا
لا تقتلوا الحب ولا تخلونا نقتلو بايدنا خلو يعيش ويشوف الشمس يطلع بالضو ويقول أنا موجود
وبدل ما نخاف خلونا نفرح لأنو أحلى شعور بالدني هو الحب وانك تعرف انو في حدا بحبك وبتحبو[/b]