رمضان بين العبادة والدراما

رمضان بين العبادة والدراما
اجى رمضان ويمكن صرنا بنص رمضان بس حبيت اكتب عن هالموضوع يلي هو انو نحنا لسى بنفس العادة عادة انو منعتبر رمضان شهر للمسلسلات والبرامج ومننسى انو رمضان هو شهر العبادة والتقرب الى الله
يمكن ما بيذكرنا فيه الا شي واحد هو انو نحنا صايمين عن الاكل والشرب يا أما منعطش او انو منجوع لهيك منتذكر انو الدني رمضان
من قبل رمضان بتبدأ قنوات التلفزيون عرض دعاية للمسلسلات والبرامج يلي رح تعرضها خلال رمضان وبتبلش الناس تحكم على كل مسلسل من خلال هالدعاية وبيصير حديث الشارع شو شو ناوي تحضر مسلسلات برمضان
وهيك لاول يوم برمضان بيبدا العرض من اول يوم وبتصير القنوات تحط مواعيد المسلسلات والبرامج وبيصير الناس يوقتو مواعيدهن على حسب مواعيد المسلسل او البرنامج بحيث انو لا يتضارب شغلهن مع وقت عرض المسلسل
اما حديث الشارع بكون شفت حلقت مبارح من مسلسل ........ او مثلا انا مبارح ما حضرت برنامج ....احكيلي شو صار مين ربح
وهيك وهالعالم نسيانة انو الدنيا رمضان لازم تقوم تصلي وتقرا قرآن وتسبح ربها وتزور الاقارب بس المشكلة انو مو الحق عليها الحق على يلي مو تاركها توعى لحالها وتوعى للوقت يلي هي فيه