فطام الأطفال وتغذيتهم

فطام الأطفال وتغذيتهم
يجب مراعاة التالي
إن ما يكون الفطام قبل السنة لأنو هاد الشي مرهق لجهاز الطفل الهضمي
إن ما يكون متأخر يعني بعد السنتين
ما يكون بوقت الصيف
ما يكون وقت بروز أسنان الطفل لان هالاسنان بتسبب وجع للطفل فما لازم نحنا نزيدها بنكد
إن ما يكون في مرض بالجهاز الهضمي للطفل
انو ما يكون بفترة نقاهة من مرض صاب الطفل
لازم نتجنب فطم الطفل فورا وبشكل فجائي
لازم يكون الفطام بشكل تدريجي بحيث انو تقلل عدد الرضعات شوي شوي مع إدخال طعام جديد للطفل يعوض عن الرضاعة
لازم يكون الطعام يلي عم نعطي للطفل إلي عم ينفطم أكل سهل الهضم والطفل يتقبلو
مثلا
- المهلبية بتنعطى من الشهر الرابع لعمر الطفل يمكن ندخلها لطعام الطفل بكميات قليلة بعدين بتزيد إلى إنها تصير وجبة كاملة بالشهر السادس لتحل مكان رضعه ولازم تكون المهلبية سائلة لأنو الطفل لسى ما متعود إلا على الطعام السائل
- البسكويت والخبز يدخل لطعام الطفل من الشهر الخامس لعمر الطفل ويجب الانتباه على انو ما تكون قطع الخبز كبيرة مما يسبب اختناق الطفل
- الأرز و المعكرونة والشعرية بتدخل بنهاية الشهر السادس لعمر الطفل وبتنطبخ بشوربة الخضار
- الخضروات بينعطى بعمر الست أشهر مع شوربات الخضار ولازم انو تكون الشوربة قليلة الكثافة بحيث لما تستوي الخضروات صفي المي وأعطي الطفل بس المي وقليلة الملح وبالشهرين السابع والثامن بتصير اكتر كثافة باني اطحن المواد وطعميه هن للطفل بالشوربة
- الفواكه بتنعطى بالشهر الثاني و الثالث ملعقة صغيرة أو بعض القطرات للطفل
- هي بعض الأغذية يلي ممكن أعطيها للطفل قبل ما ينفطم